Тошкент биржасида цементга бўлган талаб рекорд даражани қайд этди

2013 йилнинг 3,5 ойи давомида биржа бозорида цемент таклифининг ҳажми ўтган йилга нисбатан 27% ўсди ва 1,5 млн. тоннани ташкил қилди.

Ушбу кўрсаткич ўтган йилларнинг ушбу даврларига нисбатан рекорд натижа ҳисобланади, бу хақда ЎзРТҲБ матбуот хизмати хабар берган.

Бу йил цемент биржа бозорида кетма-кет ўсиш қайд этилган. Ўтган йиллар каби бу йил ҳам ортилган цементга жуда катта талаб бўлди, унинг улуши умумий цемент савдосида 94% ташкил қилди. 3,5 ой давомида электрон биржа савдо орқали 1,4 млн.тонна ортилган ва 90 минг тона қадоқланган цемент сотилган.

Бу йил савдога қўйилган цемент ҳажми сўнгги тўрт йил учун максимал ҳисобланади. 2010 йил цемент ишлаб чиқарувчилар томонидан 1,2 млн. тонна цемент сотилган, кейинги икки йилда эса ушбу кўрсаткич фақат тушиб борган.

Савдо ҳажми бўйича, ҳудди ўтган йиллар каби «Қизилқумцемент» ОАЖ бошчилик қилмоқда. Таҳлил қилинаётган давр ичида навоийликлар цемент таклифи ҳажмини ўтган йилга нисбатан 281 минг тоннага оширишган, бу эса уларнинг улушини 53% ошириш имконини берди.

Энг талабгор цемент маркаларининг нархи январ-апрел ойларида ошиб борди. Агар йил бошида нархлар тоннасига 245-270 минг сўмни ташкил қилган бўлса, март ойида ПЦ400 Д20 нархи 275 минг сўмга, ППЦ400 нархи 285 минг сўмга, сульфатостойкочидамли цемент нархи эса тоннасига 314 минг сўмга кўтарилган.

Аммо қурилиш мавсуми бошланганида учта марканинг ҳам нарх трендлари сезиларли ошди ва апрелда ПЦ400 Д20 котировкалари 322 минг сўм, пуццоланли марка нархи 335 минг сўм, ССПЦ400 Д-20 котировкалари эса тоннасига 374 минг сўмга етди, бу эса шу йил учун максимал кўрсаткич ҳисобланади.

Darakchi.uz