PSY Billboard Music Awards мукофотини қўлга киритган илк корейс бўлди

Жанубий Кореялик қўшиқчи PSY (хақиқий исми Пак Чэ Сан) Billboard Music Awards 2013 мукофтининг "Энг шиддатли қўшиқ" (Best Streaming Song) номинацияси бўйича ғолибликни қўлга киритди.

Ушбу мукофотни PSY ўзининг Gangnam Style хит қўшиғи учун қўлга киритди, ушбу номинацияда у Тейлор Свифт ва Карли Рэй Жепсон каби ижрочиларни ортда ыолдирди. PSY Billboard Music Awards мукофотини қўлга киритган илк корейс миллатига мансуб ижрочи бўлди. Мукофотларни тақдирлаш маросими Лас-Вегаснинг MGM катта аренасида якшанба куни бўлиб ўтди.

Ушбу Best Streaming Song номинацияси интернетда энг кўп кўрилган видеоклипларни аниқлайди. Gangnam Style клипи Youtube видеохостингида 1,6 миллиард мартадан кўп марта кўрилган.

PSY шунингдек Billboard Music Awards мукофотининг бошқа бешта номинациясида ҳам номзод қилиб кўрсатилди, хусусан "Энг яхши ижрочи", "Энг шиддатли қўшиқ", "Энг яхши рэп-ижрочи", "Энг яхши рэп-қўшиқ" ҳамда "Энг яхши рақсбоп қўшиқ".