Янги мавсумда 34 минг ўқувчи лицейга кабул килинади

2013-2014 ўқув йилида 533 658  нафар умумтаълим мактабларининг 9-синф битирувчилари ўрта махсус ва касб-ҳунар ўқув муассасаларига ўқишга кирадилар.

Хукумат қарорига асосан, 2013/2014 йилларда умутаълим мактабларининг 499341 нафар 9-синф битирувчилари касб-ҳунар коллежларига, 34317 ўқувчи эса академик лицейларга ўқишга қабул қилинади. Аввал хабар берилганидек, мазкур ҳужжатга мувофиқ, янги ўқув йилидан 26 та касб-ҳунар масканлари қайта ихтисослаштирилади.

Расмий маълумотларга қараганда, ҳозирда мамлакатимизда 9 779 умумтаълим мактаблари мавжуд. Касб-ҳунар коллежлари сони 1 411 тани ва академик лицейлар сони эса 143 тани ташкил қилади. Коллежларнинг республика бўйлаб 25 та филиаллари фаолият юритмоқда. Мазкур ўқув юртларда 1,7 миллион йигит ва қизлар таҳсил олади.