Фазлиддин Қурбонов Айдахога 2009 йилда кўчиб борган

 

 

 

 

Келиб чиқиши ўзбекистонлик 30 ёшли Фазлиддин Қурбоновнинг террорчиликда айбланиб АҚШда қўлга олингани ҳақида хабар бергандик. Дастлабки суд ишида у ўзининг айбсиз эканлигини маълум қилган, деб хабар беради, CNN.

Унинг адвокати Ричард Рубиннинг таъкидлашича, Фазлиддин Айдахо штатига 2009 йилда келган ва Бойсе шаҳрида бошқа кўплаб ўзбеклар қатори яшаб келган, у юк машинаси ҳайдайди.

 

 

 

 

 

Чоршанба куни АҚШнинг Айдахо штатида ҳибсга олинган Фазлиддин Қурбонов портловчи ускунани ноқонуний сақлаганликда ва террорчилик ташкилотига ёрдам бериш мақсадида жиноий тил бириктирганликда айбланмоқда. АҚШ Адлия вазирлиги маълумотларига кўра, гап "Ўзбекистон ислом ҳаракати" (ЎИҲ) — терорчилик ташкилоти ҳақида кетмоқда. 

Бундан ташқари, Юта штатида Қурбонов бомба ва оммавий қирғин қуролларини ясаш ҳақида ахборот тарқатганликда айбланмоқда. Қурбонов АҚШ фуқаролигига эга эканлиги айтилмаган, лекин унинг мамлакатда ноқонуний яшаб келгани таъкидланмоқда. 

Телеканалнинг хабар беришича, келаси сешанба куни Қурбонов яна бир бор судга чақиртирилади ва унда айбланувчини гаров эвазига қўйиб юбориш масаласи кўрилади. 2 июл куни эса ушбу масала суд томонидан тўлиқ кўриб чиқилади.