Америкалик меҳмон Миллий кутубхонага 10 та қўлёзмани туҳфа қилди

Ўзбекистон миллий кутубхонаси янги ноёб адабиётлар билан бойиди. Асли келиб чиқиши қозоғистонлик бўлган америкалик Акром Хабибуллаев кутубхона фондига 10 та  араб ва турк тилидаги қўлёзма асарларини топширди. 

Акром Хабибуллаев ҳозирда АҚШнинг Индиана университетида Яқин Шарқ, Ислом ва  марказий ЕвроОсиё жамғармаси мудири лавозимида ишлайди.

АҚШлик меҳмон Тошкентга Миллий кутубхона таклифига кўра «Фан, таълим, маданият ва бизнес учун интернет ва ахборот-кутубхона ресурслари» «CentralAsia– 2013» 7-халқаро анжуманида иштирок этиш учун ташриф буюрганди.

Шунингдек Тошкент давлат Шарқшунослик институти талабаси Фарход Мардонов ҳам кутубхонага ўзининг 2 та китобини топширди.