“Евровидение-2013” танловида Дания вакили ғолиб бўлди

Кеча Швециянинг Мальмё шаҳрида якунланган "Евровидение-2013" мусиқий танловидаги ғолибликни Даниялик Эммели де Форест "Фақат кўз ёшлар" /"Only Teardrops"/ қўшиғи билан қўлга киритди.

Ҳакамлар ҳайъати ва мухлисларнинг овозлари билан Эммели 281 балл тўплади.

Раннерс/Ютландия яриморолида/ дунёга келган 20 ёшли Эммели де Форест 9 ёшидан бери черков ва бошқа хорларда қўшиқ куйлайди. 2011 йилдан бери у вокал маҳорати бўйича Копенгаген Институтида таҳсил оляпти.

Эммели даниялик ва швед оиласида дунёга келганлиги сабабли умрининг асосий қисмини Швецияда ўтказган, бу эса унга "Евровидения" ташкилотчи мамлакатидаги машҳурликни олиб келган.

Танловдаги иккинчи ўринни Озарбайжонлик Фарид Мамедов, учинчи ўринни эса Украиналик Злата Огневич қўлга киритди.

Шундай қилиб, "Евровидение-2014" танлови Мальмёдан бир неча километр узоқликда – Эресунн бўғозининг бошқа соҳилида, Даниянинг пойтахти Копенгагенда бўлиб ўтади.