Ўзбекистонда 2 млн.га яқин қоракўл қўй бор

“Ўзбек қоракўли” компанияси раиси Т.Раҳимовнинг маълум қилишича,  жорий йилда компанияга қарашли хўжаликларда қўй-эчкилар сони ўтган йилнинг шу давридагига нисбатан 145 мингга кўпайди. 

Ҳозир терисининг сифати юқори бўлган 1,9 миллиондан зиёд қоракўл қўй парваришланмоқда. Наслчилик-селекция ишларини яхшилаш мақсадида қўзиларнинг наслий сифатлари аниқланмоқда.

Айни пайтда чўпонлар қишки озуқани ғамлашга киришган. 2013-2014 йил чорва қишлови учун 405 минг тоннадан кўпроқ дағал хашак захираси тайёрлаш режалаштирилган.