Патрисия Флор яна Тошкентга келади

 

Бугун Тошкентга Европа Иттифоқининг Марказий Осиё бўйича махсус вакили Патрисия Флор ташриф буюради. Бу ҳақда Ўзбекистон ташқи ишлар вазирлиги матбуот хизмати хабар берган.

Ташриф давомида республика ташқи ишлар вазирлиги, қишлоқ ва сув хўжалиги вазирлиги, Олий Мажлис Сенати ва Олий Мажлиснинг инсон ҳуқуқлари вакили-омбудсман  билан учрашув ва музокаралар ўтказилиши кўзда тутилган. 

Патрисия Флор ўтган йилнинг июнь ойида Европа Иттифоқининг Марказий Осиё бўйича махсус вакили этиб тайинланганди. Унинг ваколати шу йилнинг 30 июнь куни якунига етади. 

Хабарингиз бор, Флорхоним ўтган йилнинг июль ва шу йилнинг март ойларида ҳам юртимизга ташриф буюрган эди.