20 июн куни Facebook ўзининг янги хизматини тақдим этади

 

Facebook ижтимоий тармоғи Калифорния штатидаги Менло-Парк шаҳридаги бош қароргоҳида 20 июн куни матбуот анжумани ўтказади.

Тадбир қандай мавзуга бағишланиши хақида компания ҳеч нима демаяпти. "Кичик жамоа катта ғоя устида ишлади. Бизнинг қахвамизга шерик бўлинг ва янги маҳсулот хақида билиб олинг", — дейилади компаниянинг ОАВ юборган таклифномасида.

Журналистларнинг фикрича, пайшанба куни Facebook янгиликлар блогини тақдим этади. Бундай тахминга учта нарса сабаб бўлмоқда. Биринчидан, 1 июл куни Google Reader ёпилади ва шунинг учун ижтимоий тармоқ унинг ўрнига ўз маҳсулотини тақдим этмоқчи.

Иккинчидан, ўтган ҳафтада Facebook ўзиниг хэштеглар хизматини йўлга қўйди, уларни эса RSS-ридер учун кўмакчи деб ҳисоблаш мумкин. Учинчидан, тақдимотга таклифнома бошқа таклифномалардан фарқли ўлароқ электрон эмас “қоғозли” почта орқали юборилган.

Шундай қилиб яна бир талқин бўйича 20 июн куни Facebook тўлиқ RSS-ридерни тақдим этади, ёки ўз сайтидаги энг машҳур ёзувларни ўқишга қулай бўлган тарзда ўқиш учун оддий агрегатор хизматини юклайди.