Дольче ва Габбанани қамоқ жазосига хукм қилишди

Доменико Дольче ва Стефано Габбана қамоқ жазосига хукм қилинди. Милан суди уларни бир миллиард евро солиқ тўламаганликда айбдор деб топди.

Италиялик дизайнерарнинг ҳар бирига 1,8 йил қамоқ жазоси тайинланди, аммо шаҳар прокуратураси дизайнерларга 2,5 йил хукм талаб қилган эди.

Терговнинг фикрича, 2004 йилда Люксембургда Dolce & Gabbana Luxemburg sarl ва Gado sarl компаниялари тузилгандан бошлаб, машҳур мода уйи раҳбарияти молиявий ҳисоботни хато кўрсатишга ва солиқ ҳужжатларини соҳталаштиришга ҳаракат қилган. Бунинг оқибатида Италия ғазнасига миллиард евро пул тўланмаган.

Мазкур ишнинг тергов иши модельерларнинг ҳорижда ҳам компаниялари борлигини аниқлашгач бошланди. Солиқлар ҳорижда ва жуда кам миқдорда тўлланган.

Суд қарорига асосан услубчилар 500 минг евро пулни дастлабки жарима сифатида тўлашлари лозим бўлади.

Dolce & Gabbana Италия модалар уйи 1982 йилда яратилган бўлиб, 1990 йилда эса эркаклар кийимлари тизими яратилган. Либослардан ташқари дизайнерлар пардоз буюмлари, сумка ва аксессуарлар яратиш билан шуғулланади. 2011 йилда D&G бренди ёпилгач, дизайнерлар Dolce & Gabbana тизимига эътибор қаратишни лозим топишди.