Тошкентдаги Россия давлат нефть ва газ университети 140 нафар абитуриент қабул қилади

 

И.М.Губкин номидаги Россия давлат нефть ва газ университетининг Тошкентдаги филиали 2013/2014 ўқув йили учун 140 кишини ўқишга қабул қилади.

Ўзбекистон Республикаси Вазирлар маҳкамасининг 2013 йил 12 июндаги қарорига мувофиқ, мазкур олий таълим муассасасининг янги ўқув йили учун қабул квоталари белгиланди. 

Университетнинг йўналишлари ва уларга қабул квоталари билан танишинг:

1. "Нефт қазиб чиқариш объектларини эксплуатация қилиш ва хизмат кўрсатиш" -  25 киши;

2. "Нефть ва газ конларини бурғулаш" - 25 киши; 

3. "Газ қазиб олиш объектлари, газконденсати ва ерости омборларини эксплуатация қилиш ва хизмат кўрсатиш"  - 40 киши (шундан 15 нафари "Лукойл Ўзбекистон Оперейтинг Компани" ҳисобидан ўқитилади); 

4. "Корхоналар ва ташкилотлар иқтисодиёти"  - 25 киши;

5. "Ишлаб чиқариш менеджменти" - 25 киши.