Миср Президенти Муҳаммад Мурси истеъфога чиқарилди

  

Миср мудофаа вазири генерал Абдул-Фаттох Ол-Сиси 3 июль куни телевидение орқали ҳалққа мурожаат қилиб, Муҳаммад Мурси ортиқмамлакат президенти эмаслигини эълон қилди.

 

Мамлакат армияси жамоат ва диний ташкилотлар уламолари билан ўзаро маслаҳатлашган ҳолда, конституцияни тўхтатиш ва конституцион суд раҳбарини вақтинчалик давлат раҳбари этиб тайинлаш ҳамда бетараф ҳукуматни шакллантириш ва янги сайловлар ўтказиш ҳақида қарор қабул қилди.

Бундан ташқари, Мисрда миллий бирлик қўмитаси тузилиб, унинг таркибига  мамлакатдаги барча сиёсий ва жамоат кучлари киритилади. Ушбу қўмита айнан нима билан шуғулланади, ҳозирча номаълум.

Генералнинг сўзларига кўра, армия сиёсатга аралашмайди, лекин ўтиш даврида қонунларга амал қилиниши, тинчлик ва осойишталик таъминлаш юзасидан назорат олиб боради.

Эслатиб ўтамиз шу йилнинг 30 июнь куни мамлакатда Президент Мурcига қарши норозилик намойиши бошланган эди. Намойишчилар мамлакат раҳбарини бошқарувнинг авторитар тизимни қураётганликда, иқтисодиётни яхшилашга оид чора кўрмаётганликда айблашмоқда.

Мурси 2012 йили мамлакат тарихида илк марта ўтказилган демократик сайловлар натижасида ҳукумат тепасига келган эди. Сайловларнинг иккинчи босқичида 51% овоз тўплаган Мурси генерал Аҳмад Шафиқ устидан ғалаба қозонган ва президент этиб сайланган. Орадан роппа-роса би йил ўтиб, у ўз лавозимидан кетишга мажбур бўлди.