«Ўзкимёсаноат» давлат акциядорлик компанияси бош идораси биносига кираверишдаги тошлавҳадаги хато интернет-ОАВлардаги хабарлардан сўнг тўғриланди. Хато бартараф этилгани ҳақида ҳуқуқшунос, блоггер, Xushnudbek.Uz сайти муаллифи Хушнуд Худойбердиев 20 ноябрь куни маълум қилган.
Худойбердиев ўз твиттерида: «Интернет-ОАВ катта куч, ишонинг, дўстлар!», – деб ёзган ва «Ўзкимёсаноат» хатони тўғрилагани акс этган фотосуратни илова қилган. Унда бунгача хато кўринишда бўлган «kimyo» сўзи тўғри ёзилганини кўриш мумкин.
«Ўзкимёсаноат» компанияси биносидаги тошлавҳаларда хато борлиги ҳақидаги хабарлар интернет-ОАВларда 13-14 ноябрь кунлари ёзилган эди. Унга кўра, ҳам ўзбек тилида, ҳам инглиз тилидаги лавҳаларда «кимё» (лотин ёзувида – «kimyo») сўзи «кимиё» («kimiyo») шаклида ёзилган.
Маълум бўлишича, Хушнуд Худойбердиев тошлавҳадаги хатолик юзасидан ва уни тўғрилаш кераклиги ҳақида Ягона интерактив портали орқали мурожаат қилган. Компания жавоб хатида хатолик «яқин келажак»да ўзгартирилиши билдирилган, лекин мурожаатдан кейинги 50 кун ўтиб ҳам хатоликни тўғриламаган.
Қайд этиш жоиз, аввалроқ Хушнудбек Худойбердиев ўз мурожаати билан «Трастбанк»нинг сўзлари хато билан ёзилган тошлавҳасини ўзгартирган эди.
Манба: www.kun.uz
Комментариев нет:
Отправить комментарий