Костюмини сотган вазир

«Ўздонмаҳсулот» Давлат Акциядорлик Корпорациясининг собиқ раҳбари Олим Атаев уни халқаро қидирувдан олиб ташлашларини талаб қилиб, Интерполга мурожаат қилиш ниятида.
Ўзбекистон Бош прокуратураси Олим Атаев, унинг қизи Надежда ва ўғли Қаҳрамонни 2000 йилда йирик миқдорда давлат мулкини ўмаришда айблаб, қидирувга берганди. 
Олим Атаев 90 йиллар бошида бошлатилган «ғалла мустақиллиги» сиёсатини амалга оширишда етакчилик қилган шахслардан бири сифатида кўрилади.
Би-би-си Ўзбек хизматидан Сирожиддин Ислом Францияда сиёсий бошпана топган собиқ вазир билан учрашган.
2000 йилнинг апрел ойи бошида Ўзбекистон Бош прокуратураси кутилмаганда бир гуруҳ маҳаллий ва хорижий журналистларни матбуот йиғинига тўплайди.
Бош прокурор ўринбосарларидан бири прокуратура биносига йиғилганларни ҳайратга солувчи баёнот беради.
У «Ўздонмаҳсулот» Давлат Акционерлик Корпорациясининг раиси Олим Атаев бир неча миллион доллар миқдоридаги давлат маблағини ўмариб, Ўзбекистондан қочиб кетганини эълон қилади.
Прокуратура юқори мулозими баёнотидан бир неча кун муқаддам, аниқроғи, 2000 йилнинг 30 мартида Жиззах шаҳрида Ўзбекистон Вазирлар Маҳкамасининг сайёр мажлиси бўлиб ўтганди.
Ўша пайтдаги Ўзбекистон Бош вазирининг ўринбосари Исмоил Жўрабеков бошчилигида ўтган мажлисда вилоят фаоллари баҳорги экин масалаларини муҳокама қилишади.
Йиғилганлар орасида кўпчиликка яхши таниш «Ўздонмаҳсулот» Давлат Акционерлик Корпорациясининг раиси Олим Атаев йўқ эди.
Жиззах вилояти ҳокимияти биноси ўнгида 52 ёшли Олим Атаевнинг хизмат машинаси турарди.
Мажлис бўлиб ўтаётган пайтда Ўрта Осиёнинг аҳоли сони бўйича энг йирик мамлакатини нон ва нон маҳсулотлари билан таъминлашга масъул корпорация раҳбари Қозоғистон томон йўл олганди.
Эрта тонгда Тошкентдан чиққан вазир Ўзбекистондан зудлик билан чиқиб кетишга мажбур бўлишини хаёлига ҳам келтирмаганди.

Костюмини сотган вазир

Олим Атаев ўғли ва қизи билан 11 йилдан буён Париж яқинидаги Ле Манс шаҳарчасида яшайди.
Ҳозирга қадар матбуот орқали деярли чиқиш қилмаган.
«Бўлиб ўтган ҳодисалардан узоқ йиллар ўзимга кела олмадим,» — дейди Олим Атаев.
Собиқ вазир 13 йил муқаддам ҳаётини, унинг ўзи айтмоқчи, «остин-устун» қилиб юборган кунни эслайди.
Олим Атаевнинг айтишича, Жиззахда экан унга «оиласига яқин» танишидан қўнғироқ бўлади.
Таниши уни Тошкентга кираверишда ҳибсга олишлари ҳақида огоҳлантиради.
«Бизнинг оиламизга яқин бўлган бир инсон телефон қилиб, вазиятнинг қийин бўлгани тўғрисида хабар етказди. Тошкентга кириш ДАН постларида мени кутишаётганлари тўғрисида хабар бергач, мен ҳаракатимни қилишга мажбур бўлдим,»- дейди Олим Атаев.
Собиқ вазир ушбу телефон қўнғироғидан сўнг ҳайдовчисига вилоятда қиладиган ишлари борлигини айтади ва ундан вилоят ҳокимияти ўнгида кутиб туришни сўрайди.
Ҳибсга олишларига кўзи етган Олим Атаев Сирдарё вилояти билан чегарадош Қозоғистон ҳудуди томон йўл олади, уни огоҳлантирган танишини хавф остига қўймаслик учун қўл телефонини кўмиб ташлайди.
«Қозоғистонга ўтган пайтим, чўнтагимда ўн минг ўзбек сўми ва вазирлик гувоҳномамдан бошқа ҳеч вақом йўқ эди. Чегарага энг яқин темир йўл станциясига боришим керак…. Шунда янги костюмимни сотишга мажбур бўлдим,» – дейди Олим Атаев.
У дастлаб Қозоғистон, ортидан Украина ва Россияда яшириниб юрганини айтади.
Оренбург вилоятида бирининг қўлида ишлаб, «одам бўйидан паст ҳаммомда» ётиб юрганини хотирлайди.
Орадан икки йилу тўрт ой ўтиб, танишлари ёрдамида Францияга қадар етиб боради ва бу мамлакатдан сиёсий бошпана сўрайди.
Франция шимолидаги Ле Манс шаҳрида собиқ вазирни бу ерга бир неча ой муқаддам етиб келган фарзандлари қарши олишади.
Ўша кунга қадар улар оталарини ё ўлган ё-да Ўзбекистон қамоқхонасида деб ўйлашган.
Собиқ вазир ҳибсдан хорижга қочган куни айни таниши Атаевнинг қизи Надеждага телефон қилиб, отаси ҳибсга олингани ва, агар Ўзбекистондан тезда чиқиб кетмаса, уни ҳам ҳибсга олишлари мумкинлиги ҳақида огоҳлантирган.
«Укам, мен ва қизимни машинада Ле Манс шаҳри вокзалининг марказий кириш жойига олиб келишди. Бизга ҳамроҳлик қилаётган одам менинг елкамдан тутди ва «илтимос қичқирма,» — деди. Кўнглим қаърида мен ўзимни ёмон хабарни эшитишга тайёрлаган эдим. Ҳамроҳимиз ортимдан вокзал томон аста итариб юборди. Вокзалда ҳеч ким йўқ эди. Залда ташлаган қадамим садолари, ўзимга эса юрагим дуккилаши эшитиларди. Зинадан кўтарила бошлаган пайтим, аввал залда ўтирган ёлғиз одамнинг оёғига кўзим тушди. Кейин… Кейин эса мен учун азиз ва таниш кўзларни кўрдим. Отамнинг сочлари оқариб кетган, аммо нигоҳи ўзгармаган эди. Кейин, менга зални бошимга қўйиб қичқирганимни айтишди,» — деб хотирлайди Надежда Атаева.
Олим Атаев Францияда янги маданият ва тилни ўзлаштира бошлайди, Надежда Атаева эса «Марказий Осиё Инсон ҳуқуқлари уюшмаси»га асос солади.
Бу уюшма бугунга қадар Оврўпо давлатларида бошпана сўраган Марказий Осиёликларга ҳуқуқий ёрдам бериш баробарида халқаро ташкилотлар билан бирга Ўзбекистонда болалар меҳнатидан мажбурий фойдаланиш, қийноқлар ва аёлларнинг бичилишига қарши кампанияларни йўлга қўйган.
Олим Атаев Францияга етиб борган пайти Ўзбекистон ҳукумати у ва фарзандларини халқаро қидирувга берганди.

«Ҳақиқат уруғи»

Олим Атаев қизи Надежданинг ҳуқуқбонлик фаолиятидан фахрланиши айтади

Ўтган йил баҳорида Ўзбекистон телевидениеси «Тошкент» канали рус тилида «Зерно истины» («Ҳақиқат уруғи») номли филмни намойиш этди.
Бу филмдаги «ёвуз қаҳрамон» 2000 йил баҳорига қадар «Ўздонмаҳсулот» Давлат Акционерлик Корпорациясига бошчилик қилган Олим Атаев эди.
Йигирма дақиқалик филм ким томонидан тайёрлангани маълум эмас, аммо унда Олим Атаев, қизи Недежда ва ўғли Қаҳрамон мансаб ваколатларини суистимол қилиш, фирибгарлик ва йирик миқдорда давлат мулкини ўмаришда айбланади.
Филмда даъво қилинишича, Олим Атаевга тегишли қўшма корхона 1999 йилда бозор нархи 13 миллион долларга баҳоланган 10 та нон чиқарувчи комбинатни 3,2 миллион долларга сотиб олган.
Филмда шунингдек Олим Атаевнинг ажратилган давлат фондини мақсадга мувофиқ равишда ишлатмагани таъкидланади.
Собиқ вазир қўйилган айбловларга «мутлақо алоқа»си йўқлигини айтади.
«Бу айбловларга мутлақо алоқам йўқ. Биринчидан, Давлат Мулк Қўмитаси қошида бўлган ҳамма давлат корхоналари ўзлари шартнома тузиб, ўзлари қўл қўйибган. Улар менга 5 миллион долларга сотилган деган 10 та корхонани президентимиз чиқарган қарорлар ва Давлат Мулк Қўмитаси тузган шартномалар асосида, Ўзбекистон-Америка қўшма корхонасига тўғридан-тўғри сотганлар. Бунинг нархини эса Ўзбекистон Тендер Комиссиясининг раиси ва аъзолари 3,2 миллион долларга баҳолаган. Буларнинг бари шатноманинг ўзида ёзиб қўйилган,» — дейди Олим Атаев.
Надежда Атаева эса филмнинг чиқишига таниқли уламо Обид қори Назаровга суиқасд ҳақида у берган баёнот сабаб эканига ишонади.
Филм эфирга узатилишидан бир неча кун олдин Надежа Атаева ўтган йил февралида Швеция шимолида таниқли ўзбек руҳонийсининг отилиб кетиши Ўзбекистон ҳукуматининг иши экани ҳақида баёнот берганди.
Баёнот халқаро инсон ҳуқуқлари ташкилотларининг ҳисоботларида ўрин олди.
«Бу филмга қадар МХХ назорати остидаги интернет нашриётларида кўплаб мақолалар чоп этилганди. Биз бу мақолаларга эътибор бермасдик ва жавоб бермасликка ҳаракат қилардик. Аммо бу филм, менинг Обидхон қори Назаровга суиқасд юзасидан берган баёнотимга жавоб эди, деб ишонаман. Бизнинг уюшмамиз бу суиқасд амали сиёсий характерга эга ва Ўзбекистон Миллий Хавфсизлик Химзати томонидан ташкиллаштирилган деб ҳисоблаймиз,» — дейди Надежда Атаева.

13 йил ўтиб чиқарилган ҳукм

Ўтган ой Тошкент шаҳар маҳкамаси Олим Атаевни йирик миқдорда давлат мулкини ўғирлашда айблаб, сиртдан 9 йилга озодликдан маҳрум этди.
Унинг жиноий шериклари сифатида қизи Надежда ва ўғли Қаҳрамон Атаевга сиртдан 7 йиллик қамоқ жазоси тайинланди.
Атаевларнинг Ўзбекистондаги барча мол-мулки мусодара этилди.
Маҳкама ҳукми Олим Атаевнинг 69 нафар собиқ ҳамкорлари берган кўрсатмаларга асосланган.
Олим Атаев маҳкама ҳукми 13 йилдан буён Ўзбекистон ҳукумати томонидан у ва фарзандларига қарши олиб борилган қоралаш ва ёмонотлиқ қилиш жараёнининг якуни эканини айтади.
Жаноб Атаевнинг ишонишича, унга қарши олиб борилган ҳаракатлар бошида Ўзбекистонга четдан ун ва қандолат маҳсулотлари келтириш ҳисобига «мўмай даромад кўраётган шахслар» турибди.
Олим Атаев раҳбарлик қилган 90-йилларда «Ўздонмаҳсулот» корпорацияси зиммасида мамлакат аҳолисини нон ва нон маҳсулотлари билан таъминлашни ташкил этиш вазифаси турган.
Собиқ вазир ўша йилларда корпорация Ўзбекистон бўйлаб 200 дан кўпроқ мини нонвойхоналарни ишга туширганини айтади.
Мамлакатда нон ва қандолат маҳсулотларининг 150дан ортиқ нави ишлаб чиқарила бошлаган.
«Бу республикага келаётган шакар ва қандолат маҳсулотларига анчагина тўсқин бўлиб қолаётган эди-да. Анчагина! Мен бу нарсаларни кейинчалик таҳлил қилиб, тушуниб етдим. Қилган пок, тоза меҳнатларимга ўзим ачинаман. Халққа керак маҳсулотлар етарли бўлсин, арзон бўлсин деган ҳамма ҳаракатларни узиб, ўчириб ташлаб, ҳозирги кунда қандолатни Россиядан, Украинада ёки бошқа давлатлардан олиб келишни ташкиллаштириб, ҳозирги кунда давом эттиришаяпти,» — дейди Олим Отаев.

Интерполдан умид

2000 йилдан кейин Отаевлар оиласи Интерпол қидирувига берилган ва бир неча бор Франция ҳукуматидан уларнинг Ўзбекистонга топширилиши сўралган.
«Париждаги Интерпол миллий бюросидаги ҳамкорлардан олинган маълумотга кўра, бу фуқарони экстрадиция этиш бўйича Ўзбекистон талабига ҳозирча рад жавоби берилган,» — дейди «Тошкент» телеканали намойиш этган филмда гапирган Интерполнинг Ўзбекистон бўлими ходими Азизхон Жаҳонов.
Атаевларга кўра, тўрт йил муқаддам Франция ҳукумати бу оилага нисбатан таъқибларни «ноқонуний» деб топиб, уларни Ўзбекистонга топширишдан қатъиян бош тортган.
Айни дамда Ўзбекистонда Атаевлар иши беркитилган.
Аммо собиқ вазир ва унинг фарзандлари Ўзбекистонда уларга нисбатан чиқарилган ҳукм «уйдирмалар»га асосланганини даъво қилиб, «келгуси кунларда» Интерполга мурожаат қилиш ниятида эканини маълум қилди.
Уларга кўра, маҳкама ишига оид барча материаллар ҳозирда инглиз тилига таржима қилинмоқда.
bbc.co.uk/uzbek

Мардикорлар ҳимоячиси яланғоч аёл туҳматига қолганини айтаяпти

23 август куни мухолифатдаги “Эрк” партияси фаоли, “Озод фуқаро” ташкилоти раҳбари Фахриддин Тиллаев қўшнисини зўрлашга ҳаракат қилганликда айбланиб, номаълум кишилар томонидан калтакланди. Тиллаев бу воқеани ўзининг касбий фаолияти учун «МХХ томонидан уюштирилган провокация», деб ҳисобламоқда.

Воқеа ўтган жума куни Фахриддин Тиллаевнинг Тошкент шаҳри Чилонзор тумани Боғистон маҳалласидаги уйида рўй берган.

Бу ҳақда Озодликка 42 ёшли Фахриддин Тиллаевнинг ўзи маълум қилди.
- Хуфтон намозини ўқиëтган вақтимда уйимнинг эшиги жуда қаттиқ тақиллаб кетди. Чиқиб қарасак, ён қўшним Костя деган йигитнинг аëли қип-яланғоч ташқарида турибди, менинг эшигимнинг олдида. Қип-яланғоч, баданида ҳеч нарсаси йўқ. Ҳеч нарса киймаган. Мен ҳайрон қолдим. “Нима қилаяпти бу аëл”, деб нима қилсам, бир пайт ўзидан ўзи бақириб “Помогите, помогите. Он меня насилует” деб бақирди. Қаердандир одамлар пайдо бўлиб қолди. Подъезддан тушиб келаяпти, подъезддан чиқиб келаяпти. 10тача одам йиғилиб қолди. Уларни ҳеч кўрмаганман. Бизнинг қўшнилар ҳам эмас улар. Уйимга бостириб кириб олди ҳаммаси. Менинг турмуш ўртоғимни аëллар уриб кетди. Эркаклар мени уриб кетишди. Енгил тан жароҳати етказишди. Компютерларим, уйимдаги жиҳозларимгача шикаст етказишди,- дейди ҳуқуқ фаоли.
Фахриддин Тиллаевга кўра, ушбу воқеа бўйича участка нозири ва маҳалла қўмитаси раисига фақат оғзаки равишда мурожаат қилган.
Тиллаев бўлиб ўтган воқеани Миллий хавфсизлик хизмати томонидан ўз фаолиятини чеклаш учун қилинган «провокация» сифатида баҳолайди.
- Бу олдиндан келишилган провокация экан. Кейин мен тушуниб етдим. Биласизми, албатта бунинг тепасида асосан Миллий хавфсизлик туради. Ўша бошчилигида бўлаëтган ишлар деб биламан. Бу охирги воқеа менга бўлишига сабаб, асосан, мана шу мардикорларни ҳимоя қилаëтганлигимиз, кейин умуман ўша Ўзбекистон халқ ҳаракатида фаолият анча кучайгани, ривожланаëтганлиги учун, ичкарида халқ ҳаракатига одамларнинг қизиқиши пайдо бўлганлиги, сайтда берилаëтган материаллар сабаб бўлган,- дейди Тиллаев.
Ҳуқуқ фаолининг айтишича, 23 август куни калтакланишидан аввал кун давомида Миллий хавфсизлик хизмати кузатувида бўлган.
- 23 август куни мен Қозоғистоннинг Туркистонида бўлиб қайтиб келдим “Эрк” партиясининг аъзоси Нуриддин ака Жуманиëзов билан биргаликда. Чегарадан ўтаëтган пайтда жуда қаттиқ текширишди. Ундан кейин Миллий хавфсизлик ходимлари то уйга келгунча орқамиздан кузатиб келди. Уйга кириб келгунча текширувда бўлдим. Ҳали ҳам қаттиқ назоратда юрибман. Орқамда одамлар юрибди,- дейди Тиллаев.
Мухолифатдаги “Эрк” партиясининг аъзоси бўлган Фахриддин Тиллаев кейинги пайтда Ўзбекистон халқ ҳаракати сайтида мамлакат ичкарисидаги воқеа-ҳодисалар борасида ўзининг танқидий чиқишлари билан фаол иштирок этаяпти.
Шунингдек, Тиллаев “Мардикорлар уюшмаси” вакили сифатида ўзбек мардикорлари ҳимояси борасида матбуот орқали қатор чиқишлар қилмоқда.
Жорий йил бошида мардикорлар ҳимоясига отланган Фахриддин Тиллаев яна икки ҳуқуқ фаоли Нуриддин Жуманиёзов ҳамда Абдулла Тожибой ўғли билан маҳкамага тортилиб, ҳар бири 7 миллион сўмлик жаримага тортилди.
Кейинги пайтларда Ўзбекистонда ҳуқуқ фаолларини зўрлаш, номусга тажовуз қилишда айблаш ҳолатлари “урфга” айланаётганини кузатиш мумкин.
Жумладан, 6 август куни “Эзгулик” жамияти фаоли 71 яшар Ҳасан Чориев 19 яшар Матлуба Абдураҳмоновага жинсий тажовуз қилганликда айбдор, деб топилиб 5 йилу 2 ой муддатга озодликдан маҳрум қилинди.
23 август куни эса “Эзгулик” жамиятининг Бухоро вилояти бўлими раиси Бобомурод Раззоқов устидан суд бошланди. 60 яшар ҳуқуқ фаоли ҳам одам савдоси ва бухоролик аёлни зўрлашга ҳаракат қилганликда айбланмоқда.
ozodlik.org

 

Тубан сиёсат мунтазамлашди.

Мухолифат вакиллари назарида Ўзбекистонда танқидчиларни “Тозалаш” кампанияси иш бошлади.  Асоссиз қамашлар, адолатсиз судлашлар, айбланувчиларнинг хуқуқларини систематик тарзда поймол этиш кенг тарқалган. Каримов тизими ўзини ҳеч кимнинг олдида жавобгар ҳис этмайди, деб ёзади Америка овози.
Ўзбекистондаги айни вазият маҳаллий фаолларга нисбатан жиноий ишлар уюштирилиши давом этаётгани билан эмас, балки бундай сиёсий ишлар мунтазамлашгани билан диққатни тортади.
Бу вазиятларнинг энг ишончли исботи сифатида Ўзбек мухолифати лидери Муҳаммад Солиҳнинг уйи ўққа тутилганини олсак бўлади.  Маҳаллий фаолларга кўра, ҳозирда турли айбловлар бўйича суд ҳукми чиқиши кутилаётган ишлар ортида аниқ сиёсий сабаблар ётибди.
Бухорода одам савдосида айбланаётган “Эзгулик” инсон хуқуқлари вакили Бобомурод Раззоқовнинг иши судга кўчган. Франциядаги “Ўт юраклар” клубининг Жиззахдаги фаолларидан бири Набижон Жўрабоевнинг товламачиликда айбланиши ортида унинг инсон хуқуқлари борасидаги фаолияти ётгани таъкидланмоқда.
Июль ойида Ўзбекистон суди Францияда жайлашган Марказий Осиё инсон хуқуқлари ташкилоти раҳбари Надежда Атаева ва унинг отаси, собиқ вазир Олим Атаевга нисбатан 13йил аввал очилган жиноий ишни кўриб чиққан. Талон-тарож ва иқтисодий жиноят бўйича чиқарилган ҳукмга кўра, Надежда Атаева сиртдан олти йил қамоқ жазосига ҳукм қилинган.
“Назаримда, фаолларга нисбатан сўнгги жараёнлар ҳукуматда инқироз бўлаётганидан дарак беради. Масалан, бизнинг ишимизни олайлик, муддати 2014йилда тугаши керак эди. Бироқ ҳукуматда ҳалигача ўз лавозимларини сақлаб турган амалдорларнинг ҳам алоқаси бўлган бу ишни бугун кўриб чиқишни маъқул кўришган. Умуман, бу иш юзасидан қўлимда бирорта расмий ҳужжат йўқ, иш мутлақо ҳимоя томони иштирокисиз кўрилган. Ҳукм фаолиятимга бирор таъсир ўтказмайди. Аксинча, мен Ўзбекистонда судлов қандай ўтиши, кимга ва нималарга хизмат қилиши хақида бир ҳисобот ҳозирлаш устида ишламоқчиман. Биз Ўзбекистонда турли айбловлар орқали жиноий иш уюштираётганларнинг ўзларини ҳам жавобгарликка тортишга эришишимиз керак” ,- дейди Надежда Атаева.
2014йил охирида парламент сайловлари, 2015йил бошида эса президент сайлови ўтиши керак. Ўзбекистон президентлиги учун сайловларда мухолифат вакиллари ҳам ўз номзодларини кўрсатишади. Албатта, бу хабар айни ҳукумат бошчиларини анчайин хавотирга солди ва бунинг оқибати ўлароқ давлат ичкарисида юқорида айтилган вазиятлар юзага келди.
Чарос.

Иблисона кирдикор: Aбортланган эмбрион ҳужайралари нималар учун ишлатилилади?

Вакцинацияга розилигингиз ҳақидаги ҳужжатларга қўл қўйаётган пайтда ушбу муҳим фактни кўздан қочирганингиз учун ўзингизни койиманг – бу сиздан ўтган хатолик эмас, чунки қўл қўйиш учун тақдим қилинган барча ҳужжатларда бу тўғрисида ҳеч нима айтиб ўтилмаган. Абортланган одам эмбрионлари тўқимасида етиштирилган одам ҳужайралари ўн йиллар давомида вакциналар ишлаб чиқаришда интенсив равишда ишлатилиб келаётганлиги кўпчиликнинг тасаввурига ҳам келмайди.

Ўтмишда фармацевтик компанияларнинг бирида ишлаган олим-тадқиқотчи Хелен Ратайчак яқинда аутизм тўғрисидаги илмий нашрларнинг кенг қамровли шарҳини чоп этди. Бу шарҳ аутизм билан вакцинация орасидаги боғлиқлик ҳақида турли хил фикрларга эга бўлган тарафкашлар орасида қизғин баҳслар бошланишига сабаб бўлди. Ратайчакнинг 79-бетли шарҳида муҳим бир тафсилот эслатиб ўтилган, ҳолбуки у кўзга илинмаслиги ҳам мумкин эди. Биг Фарманинг (Big Pharma – охирги йилларда оммавий ахборот воситаларининг луғатида мустахкам ўрнашиб олган энг йирик фармацевтик корпорацияларни белгиловчи атама – тарж. изоҳи) энг қўрқинчли сирларидан бирини фош этувчи 70-бетда келтирилган атиги тўрт қатор сўз: “…одам эмбриони тўқимасида етиштирилган …”

Ёт ДНКнинг инсон организмига узоқ таъсирининг эҳтимолий оқибатларини ва абортланган эмбрионлар тўқимасидан фойдаланишни диний қарашлар рад этишини ҳали тилга олмасдан айтиш мумкин-ки, ушбу фактни одамлардан яширишнинг ўзи аҳлоқсиз ҳатти-ҳаракат ҳисобланади. Фармацевтик компаниялар ва вакцинани тўғри қўллаш қоидаларини тузувчи кишиларнинг ушбу маълумотни бизга етказиш керакми ё керакмаслигини ҳал қилишларига асло йўл қўйиш мумкин эмас. Ушбу маълумот сизга вакцинация қилиш ҳақида қарор чиқаришингиздан ОЛДИН етказилиши лозим.
SCPI (Sound Choice Pharmaceutical Institute – нотижорий илмий тадқиқот ташкилоти. Унинг мақсади абортланган эмбрионларнинг фармацевтика саноатида кенг қўлланилиши ҳақида оммани хабардор қилиш – тарж.изоҳи) маълумотларига кўра ҳозирги кунда 24 та вакцина борки, уларни ишлаб чиқаришда абортланган эмбрион ҳужайралари ишлатилинган ва/ёки уларнинг таркибида ДНК, оқсил, абортланган одам эмбриони ҳужайралари культурасида етиштирилган ҳужайралар қолдиқлари мавжуд. Ушбу 24 вакцинадан 4 таси полиомиелит профилактикаси учун, 6 таси гепатит А, 5 таси сувчечак ва белбоғсимон учуқ дардининг олдини олиш учун, биттаси қутуришга қарши ва 8 тасининг ҳар бири қизамиқ, тепки ва қизилча касалликларининг олдини олиш учун мўлжалланган.

Вакцинация тўғрисидаги маълумотларни тарқатувчи миллий ташкилот (National Network for Immunization Information, NNII) ўзининг сайтида чоп этган мақолада одам эмбриони ҳужайраларидан фойдаланиш сабабларини ва уларнинг вакциналар ишлаб чиқаришда ишлатилиш тарихини тавсифлаб беради. Ушбу мақолада эмбрионлар айнан тадқиқий мақсадлар учун абортланмаганлиги қаттиқ таъкидланади. Одам эмбрионлари вакцина ишлаб чиқариш ёки биологлар ҳужайралар культурасини етиштириши учун атайин аборт қилинмаган, деб айтилади мақолада.

Жумладан, мақолада қуйидаги сўзлар келтирилади:

Биологик тиббий препаратларни (масалан, вакциналар, антитаначалар) ишлаб чиқариш кимёвий дори-дармонларни ишлаб чиқаришга қараганда анча мураккаб. Бактериал вакциналар таркибига кирувчи бактерияларни оддий лаборатория муҳитида ўстириш мумкин. Вирусларни етиштириш учун эса тирик ҳужайралар керак. Тирик тўқима бўлмаса вируслар ўзини ўзини қайта ишлаб чиқара олмайди. Уларнинг кўпайиши учун тирик “хўжайин” бўлиши зарур. Бундай “хўжайин” ўрнини, масалан, товуқ эмбрионлари ёки ҳайвонлар тўқимаси ҳужайралар культураси боса олади. Замонавий вакциналарни ишлаб чиқариш учун керак бўлган ҳужайралар культурасини танлаш доираси жиддий фармакологик сабаблар ва инсон хавфсизлиги нуқтаи назаридан келиб чиққан ҳолда чегаралангандир. Масалан, сувчечак вируси фақат инсон ҳужайралари культурасида яхши ўсади, бошқа кўпчилик ҳайвон ҳужайралари культурасида эса ёмон ўсади. Бундан ташқари, ҳайвонлар органи ҳужайлари таркибида баъзан инсон учун хавфли бўлган вируслар бор бўлиши мумкинлиги учун одам ҳужайралари культураси афзал кўрилади.
Одам ёки ҳайвон тўқимасисиз вирусли вакциналарни ишлаб чиқариш мураккаб бўлса ҳам, аммо бу ҳақиқатдан амалга ошириб бўладиган иш. Масалан, гепатит В га қарши вакциналар худди шундай тайёрланган. Ҳозирги кунда бу вакцинани ишлаб чиқариш учун АҚШда хамиртуруш (дрожжи) ҳужайралари ишлатилилади, бошқа баъзи вакциналар учун эса товуқ эмбриони ёки маймун буйраги ҳужайралари культурасидан фойдаланилилади.

Атроф муҳитни сақлаш бошқармаси (Environmental Protection Agency, ЕРА) яқин ўтмишда ўтказган тадқиқоти натижалари Америкада аутизм касаллиги сонининг бирдан ўсиши ҳамда эмбрионал ҳужайраларнинг вакциналар ишлаб чиқаришда қўлланила бошланиши орасида боғлиқлик мавжудлиги тўғрисидаги тахминнинг пайдо бўлишига асос бўлиб хизмат қилди (1988й).

Юқорида аниқланган қонунийлик моносабати билан бошқа бир савол туғилди: қандай қилиб абортланган эмбрионлар ДНКси болаларда аутизм касаллигининг пайдо бўлишига олиб келди ёки сабаб бўлди? Бугунга қадар ушбу механизмни тушунтира оладиган ҳеч қандай назария таклиф этилмаган. Шундай бўлса ҳам, бу икки ҳодиса орасидаги ўзаро боғлиқликни ҳеч бўлмаса ўрганиб чиқиш лозим.*

Кўпгина вакциналар эмбрион ҳужайралар культураси иштирокида вужудга келганлигини кўрсатувчи маълумотларнинг ошкора бўлиши абортга қарши бўлган кўпчиликни ҳайратга солмоқда. Мен сизга шуни олдиндан айтишим мумкин-ки, эмбрионал тўқималардан илмий мақсадларда фойдаланишга қарши бўлган кўпчилик кишилар фарзандларига эмланган вакциналар таркибида ДНК, оқсил ва абортланган одам эмбриони ҳужайралари қолдиқлари мавжудлигини билсалар, даҳшатга тушиб, ғазабга тўлиб тошадилар. Агар АҚШ аҳолисининг деярли ярмини католик ва евангилистлар деб билсак, бу ўзининг диний қарашларига асосланиб вакцинациядан бош тортиши мумкин бўлган анчагина катта гуруҳни ташкил этади, деб ҳисоблайверинг.
Афсуски, абортланган эмбрион ҳужайралари культурасидан фойдаланиш амалиёти вакцина ишлаб чиқариш саноатидан бошқа саноат доираларига ҳам ўтиб кетди. Биотехнологик компаниялар ҳам ушбу культуралардан ўзларининг тадқиқотларида фойдаланишадиган бўлишди. Бу тадқиқотларни ўтказишдан мақсад эса кенг спектрли янги маҳсулотларни яратишдир, яъни совундан бошлаб то терини парваришлаш учун мўлжалланган кремларгача бўлган маҳсулотлар. Масалан, косметика компанияси Neocutis Inc. ўзининг қаришга қарши кремининг асосий унсури абортланган эмбрион тўқимасидан олинганлигини тасдиқлади. Бу унсур РСР (Processed Skin Cell Proteins – тери ҳужайраларининг қайта ишланган оқсиллари – тарж.изоҳи) деб номланади.

Ажинларга қарши кремларни тайёрлашда эмбрионал тўқималардан фойдаланишни албатта кўпчилик истеъмолчилар маънавият ва ахлоқ доирасидан четга чиққан мудхиш амалиёт деб қабул қиладилар, айниқса, агар бундай маҳсулотларни ишлаб чиқарувчи компаниялар бу маълумотни сир сақласалар.
Бундан ташқари абортланган эмбрион ҳужайралари тезкор тайёрланадиган шурва ва яхна ичимликларнинг мазалигини кучайтирувчи унсурларни ишлаб чиқаришда ҳам ишлатилинган бўлиши мумкин. PepsiCo, Kraft Foods ва Nestle каби компаниялар Senomyx биотехнологик фирмаси билан ҳамкорлик қилганликларини маълум қилишди, ҳолбуки бу фирма таъм билиш рецепторларига ёқимли қўшимча таъмларни аниқлаш учун ўтказган тадқиқотларида одам эмбриони буйракларининг ҳужайраларидан фойдаланади. Жумладан, PepsiCo компанияси истеъмолчилари учун пасткалорияли мазали маҳсулотларни яратиш учун Senomyx фирмаси билан ҳамкорлик қилиши зарурлигини тасдиқлади. Наҳотки мазали лимонад тайёрлаш учун улар одам эмбриони ҳужайраларидан фойдаланишлари шарт бўлса?

Бу мени бошқа бир нарса ҳақида ўйланиб қолишимга туртки бўлди: бундай амалиётга жалб қилинган яна қанчадан қанча компаниялар борки, биз улардан бехабар? Агар улар буни вакцина, косметика ва ҳаттоки озиқ-овқат саноатида амалга оширишган бўлса, унда улар бу одам эмбрионлари ҳажайраларини яна нима қилишлари мумкин?

Вакциналар тўғрисидаги информацион миллий марказ каби ташкилотлар борки, сиз ҳар қачон уларнинг сайтига кириб, саломатлигингизга зарар етказиши мумкин бўлган вакциналар таркибидаги унсурлар ва вакциналарда қандай одам оқсиллари, ДНК, кимёвий ва бошқа ингредиентлар борлиги ҳақида маълумот олишингиз мумкин. Марказ эмлов сиёсати ва вакцинацияга оид қонунлардаги ўзгаришлар ҳақида ўзининг сайтида доимий равишда хабарлар бериб боради. У сизнинг фармацевтик маҳсулотлар, шу жумладан, вакциналар борасида тўлиқ маълумотларга асосланган ҳолда қарор чиқариш ҳаққингизни қўллаб-қувватлайди ва ҳимоя қилади. Бундан ташқари, уларнинг сайтида ўз ҳақларингизни ҳимоя қилиш учун қандай чора-тадбирларни кўриш кераклиги ҳақида маълумотлар олишингиз мумкин.

– Бу ерда ушбу масалани тўлароқ ёритиб берадиган батафсил маълумотларни келтириш ўринлидир. Бу маълумотлар LifeSiteNews.com сайтидаги Джон Джелсвакнинг “Тадқиқод тасдиқламоқда — аутизмнинг кескин ўсиши вакциналардаги абортланган эмбрионлар ДНКси билан боғлиқ” мақоласида келтирилган. Мақолада EPA 1988 йилни АҚШда аутизм сони ўсишининг “саноқ боши” деб тан олганлиги айтиб ўтилади. Бунда EPA бу ҳодисанинг келиб чиқиш сабабларини кўриб чиқмади ва абортланган эмбрион ҳужайралари ҳақида оғиз очмади, бироқ, “атроф муҳитда ушбу касаллик ўсишини таъминлаётган, бартараф этиб бўладиган факторнинг пайдо бўлган бўлиши мумкинлигини аниқлаш жуда муҳимдир ”, деб таъкидлади. Абортга қарши гуруҳ SCPIнинг даъво қилишича, атроф муҳитдаги бундай фактор абортланган эмбрион ҳужайраларидан фойдаланиш бўлиши ҳам мумкин. SCPI нашр қилган аутизм тарқалиши тўғрисидаги маълумотларнинг таҳлили ушбу касаллик авж олган уч даврни кўрсатиб берди. Булар 1981, 1988 ва 1995 йиллар. Тадқиқотчилар бу йилларда аутизм сони ўсишини вакциналар (Meruvax, MMRII ва сувчечакка қарши) ишлаб чиқаришда эмбрионлар тўқимасидан фойдаланганлик билан боғлашди. Бунда улар бошқа ҳеч қандай сабабларни аниқлай олмаганликларини ҳам айтишди. — Тарж.изоҳи.

Д-р Джозеф Меркола (АҚШ)

http://uz.islambio.com/?p=150

Native American Cultural Envoys Visit Uzbekistan

As a part of a series of events celebrating Native American culture, the U.S. Embassy will host an exhibition at the Centre of National Arts in Tashkent from August 24–28, 2013 featuring works by Native American artist Barbara Ornelas of the Navajo tribe.  Kenneth Duncan  of the Apache tribe will perform Native American music at the Sharq Taronalari music festival in Samarkand.  The two artists are part of the Embassy’s celebration of Native American Culture Week.

Ornelas will display pieces of textile artistry made by four generations of women in her family alongside works by Uzbek artists.  According to U.S. Ambassador Krol, “the patterns and colors of Ornelas’ work reflect a unity of artistic vision across distant lands and diverse cultures, evoking a sense that we are all one people on this planet.” The exhibition will open at the Centre of National Arts in Tashkent on August 24 and will include a short performance by Kenneth Duncan of the Apache tribe.  Barbara Ornelas will also travel to Samarkand to share her rich experience with textile artists in the region and learn about the 2,000 year-old tradition of wool and felt-made carpets, textiles and tapestries of Uzbekistan.

In addition to performing at the Sharq Taronalari Music Festival in Samarkand, Duncan will meet with artists in Tashkent and Samarkand as well as with Uzbek citizens at the National Library of Uzbekistan.

Barbara Ornelas is a fifth generation weaver. She was raised in Two Grey Hills Trading Post in New Mexico.  She is a professional weaver and well-known for weaving Two Grey Hills tapestries with high weft counts.  Ornelas actively participates in various fairs and festivals which present Native American culture across the United States.

Kenneth Duncan directs internationally-renowned Yellow Bird Productions, which specializes in presentations that celebrate the spirit of American Indian history and culture.  Duncan has performed in Armenia, Georgia, Azerbaijan, Guatemala, El Salvador, Colombia, Lebanon, Kazakhstan and Turkmenistan.

 

Dushanbeda suv anjumani: Rahmon hamkorlik haqida gapirib, yurti talablarini eslatdi

 

Ravshan Shams

22.08.2013

Tojikiston poytaxti Dushanbe shahrida BMT, Yevropa Xavfsizlik va Hamkorlik Tashkiloti, Mustaqil Davlatlar Hamdo’stligi, Shanxay Hamkorlik Tashkiloti, Islomiy Hamkorlik Tashkiloti, Xalqaro Suv Kengashi kabi organlarning vakillari ishtirokida ikki kunlik anjuman o’tdi. 

O’zbekiston-Tojikiston aloqalari Rog’un GESi loyihasi sabab tarang. Toshkentdan bu yig’inga Qishloq xo’jaligi va suv resurslari vazirligidan yuqori lavozimli rasmiylar borgan. Delegatsiya a'zolari tabiiy boyliklardan samarali foydalanish, suv xo'jaligi, ta'minot tizimlari va irrigatsiya vositalarini yangilash va rivojlantirish xususida so'zlagan.

Dunyoda har hafta besh yoshgacha bo’lgan 40 mingdan ziyod go’dak suv iflosligi sabab turli kasalliklarga uchrab nobud bo’ladi.

70 ortiq davlatda 1 millarddan ortiq aholi ichimlik suviga zor.

BMT hisobotiga ko’ra, inson turmushi bilan bog’liq bugungi muammolarning 78 foizi aynan ob-hayot bilan bog’liq.

Shu singari mavzular ko'tarilgan konferensiya, ayrim kuzatuvchilar nazarida, respublika hukumati kutgan natijani bermadi.

Chunki Tojikiston bu yerda asosan O’zbekiston bilan mavjud kelishuvmovchiliklar muhokama qilinadi deb umid qilgan edi.

Toshkentdan esa iqtidorli mehmonlar kelmadi, deydi mahalliy ekspert Valentina Doronina. Rasmiy bayonotlar qilindi xolos.

Yig'inda prezident Imomali Rahmon so'zladi. Shuningdek, UNESCO, Birlashgan Millatlar ta'lim, ilm-fan va madaniyat tashkiloti, rahbari Irina Bokova ham gapirdi. Har ikki nutqda ob-hayot taqsimoti hamjihatlikka asoslanishi lozim deya qayd etildi.

Rahmon mamlakat suv bo'yicha hamma bilan hamkorlikka tayyor deya qayta-qayta takrorladi, lekin Tojikiston ob-hayot va undan olinadigan quvvatga ham muhtoj ekanini eslatdi.

Toshkent

O'zbekiston Qishloq xo'jaligi va suv resurslari vaziri o'rinbosari Shavkat Hamroyev shuni ta'kidladiki, har qanday hamkorlik xalqaro qonunlarga asoslanishi va mavjud boyliklardan oqilona foydalanish kerak. Qo'shni o'lkalarga zarar keltiradigan loyihalarga qo'l urmaslik lozim, dedi Hamroyev.

Tojikiston rejalagan yirik suv inshootlari O'zbekiston nazarida mintaqa ekologiyasi va turmushiga xavf soladi hamda qishloq xo'jaligi va oziq-ovqat ta'minotiga tahdiddir. Rahmon ma'muriyati esa Rog'undek yangi GES mamlakat uchun energetik mustaqillik olib keladi.

Afg’oniston hukumati vakili Sultonmahmud Na’mudiy Tojikiston va Afg’oniston orasidan o’tib, Amudaryoga quyiladigan Panj daryosi ahamiyatini tilga olarkan, quyi oqimda joylashgan davlatlar bilan hamkorlik yo’lidan borish kerak, deydi.

Aloqani yaxshilamasdan iloj yo’q, deydi afg’on rasmiysi.

Rog'un GESi tashviqoti

Konferensiya ishtirokchilari yana bir narsaga urg’u berdi: suv havzalari hech bir davlatga siyosiy ustunlik bermasliigi kerak, jahon hamjamiyati o’zboshimcha loyihalarni ma’qullamasligi kerak.

Kuzatuvchilar deydiki, masala bir anjumanda hal etilmaydi. Yechim uchun siyosiy iroda zarur.

Erondan gidrotexnik mutaxassis Muhammad Rizo fikricha mintaqa mutaxassislari birlashib, siyosatchilarga bir ovoz bilan murojaat qilishi kerak.

“Tojikiston ulkan suv zaxiralariga ega, daryolar quyida turgan qo’shnilar bir-birlarini tushunib, hamkorlik qiladi deb umid qilamiz“,- deydi Eron vakili.

Mahalliy gidroenergetik muhandis Akmal Isomatdinov nazarida esa Tojikiston televideniyesining barcha kanallari ikki kun to’xtovsiz ko’rsatgan “oliy darajadagi  xalqaro anjuman” xo’jako’rsinga o’tkazilgandek. Quruq gapdan chetga o’tilmadi.

Посланники коренной американской культуры посещают Узбекистан

В рамках серии мероприятий, посвященных индейской культуре, 24-28 августа 2013 года, посольство США проведет выставку индейской художницы ткача Барбары Орнелас из племени навахо в Центре национальных искусств в Ташкенте. Кеннет Данкан из племени апачи будет исполнять индейскую музыку на​​ музыкальном фестивале «Шарк тароналари» в Самарканде. Данные деятели искусств являются участниками Недели индейской культуры, проводимой посольством США.

На выставке, наряду с экспонатами узбекских мастеров, будут выставлены работы текстильного искусства госпожи Орнелас, сотканные четырьмя поколениями женщин ее племени. По словам посла США Джорджа Крола, «узоры и колорит работ Барбары Орнелас отражают единство художественного видения через далекие земли и разнообразные культуры, вызывая ощущение, что мы все являемся одним народом на этой планете». Выставка откроется в Центре национальных искусств в Ташкенте 24 августа и будет включать в себя короткое выступление Кеннет Данкана из племени апачи. Барбара Орнелас также совершит поездку в Самарканд для того, чтобы поделиться своим богатым опытом с текстильными художниками в регионе и узнать о 2000-летней традиции ковроткачества из шерсти и войлока, текстиля и гобеленов Узбекистана.

Кроме выступления на музыкальном фестивале «Шарк тароналари» в Самарканде, Кеннет Данкан встретится с художниками в Ташкенте и Самарканде, а также с узбекистанцами в Национальной библиотеке Узбекистана.

Барбара Орнелас является  мастером по ковроткачеству в пятом поколении. Она выросла в Ту Грей Хилз Трейдинг Пост в Нью-Мексико. Она является профессиональным мастером по ковроткачеству и известна как мастер гобеленов Ту Грей Хилз.  Барбара Орнелас активно участвует в различных ярмарках и фестивалях, где она представляет индейскую культуру по всей территории Соединенных Штатов.

Кеннет Данкан руководит всемирно известным ансамблем «Еллоу Берд Продакшнз», специализирующимся на выступлениях, представляющих историю и культуру американских индейцев.  Кеннет Данкан выступал в Армении, Грузии, Азербайджане, Гватемале, Сальвадоре, Колумбии, Ливане, Казахстане и Туркменистане.